對話 (一)

E = 老細 M = Myra A = Amelia

E：我都係俾人大石壓死蟹吖!
M：咩嘢事?
E：嗱，妳都知 compliance 而家剩番咩嘢人嘞，而家 MA 話佢哋唔夠人，要佢哋係一月底之前請多一個人，先批我哋收購 XX 嘞。
M、A：咁關我哋咩事喎?!
E：Compliance 之前想同我要人，話做過 internal audit 會熟 d 喎；我之前已經拒絕左，不過佢死心不息，而家走去煩邵生，咁邵生話叫我哋 d 人去見吓先喎。記住吖，唔想做就話唔做，佢唔可以迫妳。
M：咁關我咩事吖!
E：問題係人哋要 Asia 嘅人吖嘛，之前我問左 BB 嘅人，有兩個人有興趣吖，去 in 埋仲做埋 written test 添，咁人哋唔要 BB 嘅人都冇辦法嘞!
A：咁而家佢山窮水盡，仲邊有得咁挑剔喎。
E：而 d 我唔知吖，而家佢悶到邵生話叫我哋俾 d 人去 interview 吖，妳又咁多尾，人哋而家睇中妳嘞。記住吖，唔想做就話唔做，佢唔可以迫妳。叫 Ame 入埋嚟，係因為佢係妳 team head ，要知道呢件事。
M：我上次 audit compliance 鬧佢喎，撐到行，佢鬼要我咩!
E：可能人哋就係鍾意你牙尖嘴利呢!
A：唔好講咁多，加幾錢人工先!
E：嘆，而家大石壓死蟹，妳去見住邵生先嘞。記住吖，唔想做就話唔做，佢唔可以迫妳。
M：咁煩，搵我嚟攪，咁你即係叫我去死啫!
E：都冇辦法，而家大石壓死蟹，妳去見住先嘞。記住吖，唔想做就話唔做，佢唔可以迫妳。

[To be continued ... ]