應屆會考生

晚上乘搭巴士的時候，聽到兩名應屆會考生在高談闊論英文作文及會話考試的題目。也不知是今年的題目還是 past papers 。

A = 男學生 B = 女學生

A: 你有冇選那一題?
B: 係唔係有個人玩 ICQ 識左個十三歲女孩然後拍拖、寫信勸佢唔好沈迷那一題?
A: 係，我選了，但字數唔夠。
B: 我也選了，要寫五段嘛，第一段 opening 一定要多謝人哋問你意見，最後一段一定要寫再有問題可以搵番我。
A: 係囉，有時間做但係字數不足，寫左版半。不過我哋個阿 Sir 話佢有次改卷，有個考生寫得好好，但係寫左四版，太長，本來想俾十分，都變得八分。
B: 邊題吖?
A: 咩就係阿 Pat 同阿 Chris 係好朋友，但係同阿 Sandy 三角戀，唔知阿 Pat 定阿 Chris 要寫封情信俾 Sandy 嗰題囉。
B: 哦，嗰題吖，見到就唔作嘞，寫情信喎，我驚肉麻到我寫唔出，中文就話得啫，英文喎。
A: 唔係囉，我覺得呢 d 先易作。我阿 Sir 影左篇作得好好嘅考生文俾我哋睇。
B: 考生篇文喎，影得咩? 犯法喎 ...
A: 咩吖，影 marking scheme 就犯法，考生 d 文得嘛 ...
B: 咁篇文有幾好?
A: 勁囉，句式勁，反問、倒裝咩都有，不斷重覆「Sandy 、 Sandy」好好笑。但係阿 Sir 話，篇文嘅最高境界係將個波拋番俾 Sandy ，叫佢自己諗要阿 Pat 定阿 Chris ，唔迫佢。
B: 不過呢，篇文關唔關同性戀事呢? 用埋 d 咁中性嘅名。
A: 係囉，阿 Sir 話見到有 d 寫同性戀，一睇就覺得唔舒服。


我的感覺：
(一) 現在的教育質數真的不好。
(二) 有怎樣的老師，就教出怎樣的學生。
(三) 如果現在的會考生拿我們會考那年的試題來做，一家會覺得很保守。