想不起來 ...

我的腦袋，一向載滿無聊的東西，記多久也忘不掉。可是，今天媽媽說的兩件事，我怎麼也想不起來 @_@

1. 中文問英文答
弟：家姐細個嗰陣好勤力，而家懶到極 ...
我：無 d 咁嘅事 ~,~
母：(向弟說) 阿堅細個都唔知幾勤力，阿媽唔識英文，係將 d 問題翻譯晒做中文叫阿媽問，然後佢用英文答，我都唔知佢講答 d 咩嘢 ... 哈哈
弟：嚟樣嘢我都記得。
母：(向弟說) 你嗰陣仲問：「點解家姐咁樣讀書，我又係咁樣讀，家姐會識晒 d 嘢，我就一 d 都唔識 ...」哈哈 ...
我：你哋係咪作嘢吖，咁無聊嘅嘢，點解我一 d 都唔記得?!
母/ 弟：真係咁喎!
我：我嗰陣幾大吖?
母：小學三、四年級咁上吓喇 ~

2. 小說
母：你日日對住電腦，係咪打小說?
我：邊有咁無聊吖，你唔好成日妄想啦 -_-"
母：唔係喎，你以前成日寫文章、寫小說喎，仲投稿添 ...
我：我幾時有吖?! 我咩嘢都唔記得喎?!
母：(向弟說) 喂，細佬，家姐細個嗰陣係咪成日寫嘢吖 ~
弟：(在洗手間大叫) 吓? 你講咩嘢話???