第一次唔知醒吖 @_@ [雨]

今日係我番工以來第一日唔知醒!!! 完全聽不到鬧鐘響聲，不斷地睡、睡、睡 ...

八時半 ---
弟: (拍打我) 喂，妳唔駛番工呀?
我: (朦朦朧朧地) 今日星期幾 ...
弟: (精神奕奕地) 星期一吖!
我: (虛弱地) 星期一 ... 要番工 ...
弟: 咁妳仲唔起身?
我: 而家幾多點 ...
弟: 八點半囉!
我: 八點半 ... 吓! 八點半?!

立即睜大眼望向牀左邊的大鐘 --- 哎呀! 真係八點半吖! 即刻爬落牀刷牙洗臉，繼而打電話番公司。但係，打電話叫同事幫我霸位，定係打俾 admin 請 sick leave 呢? @_@ 還是回公司好了，要不然開了遲起身就請 sick leave 的先例，那以後便會賴皮，次次都請 sick leave ...

拿著一大袋手信回公司，到達 PB 時已是九時二十五分，還要和相識的 SM 搭上同一部升降機 ... 尷尬極了 *_*


回到公司便開始分手信和 「route」手信。請大家別怪我買的手信不夠，我已很努力地把它們從澳門「抬」回來，重得要命 --- 我真的想過把它們丟在澳門碼頭的吖!

今天做的事很瑣碎，每一樣都不難，但每一樣都很煩。最慘的是，我的 notebook 又不乖了，今次嚴重到要搵 Opt team mgr 簽名，拎番 IBM 廠修理 ... 嗚嗚嗚 ... ~~>_<~~ ...

由於今日有太多煩雜事要辦，結果要將一些 job-related 的 articles 取回家看 @_@ 唯有明日才開始看旅行的資料 =(